حاجة جديدة شفتها النهاردة بتأكد ان البلد دي ليها دماغ مختلفة
معروفة ازمة العيش وطوابير الخبز
وعشان تحلها عملت ايه ؟!
حل غريب والله ..
ده حصل في فرن في شبرا الخيمة
حصل ايه ...
بيقولوا بتوع التموين الزموا صاحب الفرن انه يخبز بالليل ويحط العيش كل 8 ارغفة في كيس ويبيعهم بـ 50 قرش
المفروض اولا ان الـ 10 ارغفة بالـ 50 قرش اي انهم الغوا الدعم او جزء منه بطريقة غير مباشرة....لعب جامد قوي!!!
كمان الطابور فضل زي ماهو بل استطيع ان اجزم وحسب ما شفت كبر اكتر !!!!
المهم ان الناس ما لهمش اكتر من كيس واحد وعشان ياخد كيس تاني وده الطبيعي عليه انه يقف اكتر من مرة او يوقف عياله ومراته زي ما قلنا في رسالة قبل كدة !!!
في الاخر حبت واحدة تجيب عيش بعد ما ودت عيالها المدرسة الساعة 10 ...لقت الطابونة شطبت!!! نكتة بايخة مش كدة!!!
هذا هو الحل الالمعي الذي تفتقت عنه رؤوس دولتنا !!!
ما رأيكم دام فضلكم.